Talk with Death

આજ મળ્યો મોતને, વાતો કરી મોજની

હરતા-ફરતા સાથે રમતા’તા

જીવનના કામોની ચર્ચા કરતા’તા

આજ મળ્યો મોતને.....

સવાલ-જવાબ કરતા’તા,

પાંસાઓ આમ-તેમ ફેરવતા’તા

સમજાવ્યો મને વાત-વાતમાં

આજ મળ્યો મોતને.....

સુખ-દુઃખનો સરવાળો થતો’તો

પાપોની બાદબાકી થતી’તી

ગમે-તેમ કરી મોતને પટાવતો’તો

આજ મળ્યો મોતને.....

-કેયુર દુધાત

Freshness

ઘણા દિવસો પછી તાજગી થઇ છે

આરામ કર્યા પછી તાજગી થઇ છે

આળસને હટાવી, બંધનથી છૂટી

કામ લીધા પછી તાજગી થઇ છે

દરિયાને ખુંદી, પહાડોને વટાવી

ચા પીધા પછી તાજગી થઇ છે

આકાશને આંબી, ધરતીના ખોળે

રમત રમ્યા પછી તાજગી થઇ છે

મૃત્યુની પહેલા, ઉત્સાહની સાથે

જીવન જાણ્યા પછી તાજગી થઇ છે

-કેયુર દુધાત

Wish of My Soul

અંતરને ઘટાડી, દર્દને મટાડી

મળવું છે આ ઘડી, ખુદને જગાડી

ભૂલને ભુલાવી, ડરને ભગાડી

કહેવું છે આ ઘડી, ખુદને જગાડી

અહમને જલાવી, ચહેરાને સંતાડી

રમવું છે આ ઘડી, ખુદને જગાડી

હિંમતને સજાવી, ઈર્ષ્યાને ડુબાડી

જીવવું છે આ ઘડી, ખુદને જગાડી

-કેયુર દુધાત

I want to be

મિત્ર નથી બની શકતો,
મિત્ર બનવા ચાહું છુ
જિંદગીની ક્ષણે ક્ષણને,
દિલથી માણવા માંગું છુ
બીજાને ખુશ કરવા,
ખુશમિજાજી બનવા માંગું છુ
અંતરની વેદનાને,
શાંતિથી સાંભળવા માંગું છુ
વરસાદની મોસમમાં,
દિલને ભીંજવવા માંગું છુ
પ્રકૃતિના રહસ્યની,
ગહેરાઈમાં ઉતરવા માંગું છુ
હમસફરના સંગાથમાં,
જિંદગી જીતવા માંગું છુ
મિત્ર નથી બની શકતો,
મિત્ર બનવા ચાહું છુ
-કેયુર દુધાત

Happy Friendship Day

મિત્રતા

જીવનનો અમુલ્ય સંબંધ છે મિત્રતા

મૃત્યુ સુધીનો સંગાથ છે મિત્રતા

મત-ભેદને ભૂંસી નાખતો રેત પરથી,

હુંફનો તોફાની દરિયો છે મિત્રતા

વાત વાતમાં રંગ બદલતો રહેતો

જીવન ભર નો સંગ છે મિત્રતા

લાગણીથી જોડાયેલો ભાઈબંધ છે

તાર વગરનું જોડાણ છે મિત્રતા

 -Keyur Dudhat

In Search of Huminity

સવારનો હું માનવતા શોધવા નીકળ્યો તો,

મોટા મોટા malls માં ગયો, મંદિર-મસ્જીદ-ચર્ચ જઈ આવ્યો,

બધા public place પર ગયો પણ ક્યાંય મને માનવતા ના મળી

થાકીને રાત્રે ઘર તરફ આવતો હતો ત્યારે એક ગરીબ વૃદ્ધ કોઈકે આપેલી રોટલી લઈને રોડ તરફ આવતા હતા ત્યાં તેમણે એક ભૂખ્યા બાળકને કચરાના ડબ્બામાં ખાવાનું શોધતો જોયો અને તેની પાસે જઈને તરત જ પોતાની પાસે રહેલી રોટલી બાળકને આપી દીધી..

આ જોઇને મને થયું મારી શોધ પૂરી થઇ.

-કેયુર દુધાત

નહિતર તો સાવ એકલો હતો ભઈલો તારો

નહિતર તો સાવ એકલો હતો ભઈલો તારો

તારા લીધે તો વધ્યો છુ આગળ

નહિતર તો સાવ એકલો હતો ભઈલો તારો

નાની નાની વાતો માં મસ્તી કરતો જાતો

મીઠો માર પણ ક્યારેક ખાતો જાતો

નહિતર તો.....

મમ્મી પપ્પા ની લાડકી દીકરી છે તું

લાખો દુઆઓની હકદાર છે તું

સૌને ખુશ રાખી ખુશ થતી તું

લાડ લડાવ્યા હમેશાં મને

નહિતર તો.....

કેવા પુણ્યકર્મ હશે મારા

મળી તુજ દેવી તણી બહેનડી  મને

 ઉપકારો તારા કરેલા

ભરો બની રહશે સદા માથે મારા

નહિતર તો......

રાખડી થી રક્ષા કરી સદા મારી

પાસે બેસાડી ભણાવ્યો મને

એકડાને ABCD

બોલતો થયો તો તારા લીધે

નહિતર તો.....

હરપળ ચિંતા કરતી રહેતી મારી

આમ તેમ ફરતો હતો

ત્યારે તે જ મને રસ્તો દેખાડ્યો

નહિતર તો.

                                                - કેયુર દુધાત 

By Keyur Dudhat